с. Вольдино
|
Дорйисны чужан му
Война вылын вöрöгкöд тышкасисны менам куим пöрысь пöль: Арсений Фёдорович Канев, Павел Александрович да Алексей Егорович Уляшевъяс. Найö вöчисны ставсö, медым миян му вылын вöлi лöнь.
Висьтышта пöрысь пöль Павел Александрович Уляшев йылысь. Сiйö чужлiс 1910 вося март 18 лунö Вöльдiнын. Уджавлiс колхозын, война водзын — Печораса леспромхозын. 1941 вося августын сiйöс босьтiсны фронт вылö. Со мый сiйö казьтывлiс: «Кулöмдiнöдз мунiм подöн, Сыктывкарöдз кывтiм пароход вылын. Сэнi пывсим. Миянлы сетiсны сёян, пуксьöдiсны баржаяс вылö да шуисны, мый нуасны Соломбалаö. Но 15 лун мысти воим Вӧлӧгдаö. Та бöрын веськалi Волховса фронт вылö. Тихвин кар дорын вöлi немечьяскöд медводдза кось».
Фронт вылын Павел Александрович вöлi пулемётчикöн. Öтчыд мина пасьмунiс дзик мыш саяс. Ёна доймалiс. Госпитальын вöчисны операция. Артмис, мый фронт вылын вöлi куим тöлысь, госпитальын — öкмысöс. Бурдыштöм бöрын Павел Александровичöс шуисны тыш вылö шогмытöмöн. Гортас воöм бöрын куимысь вöзйысьлiс, мед мöдöдасны велöдчыны шофёрö, но доймалöм вöснаыс век бöрыньтлiсны.
Павел Александровичлöн эмöсь медводдза тшупöда Отечественнöй война, медводдза тшупöда Слава орденъяс, «За Победу над Германией в Великой Отечественной войне 1941-1945 гг.», юбилейнöй медальяс.
Ме зэв донъяся аслам пöрысь пöльöн!
Арсений УЛЯШЕВ,
3 класс.
Помöсдiн.
Парма гор, 2016, Май 7 лун (51-52 №).
|
|
© Усть-Куломская межпоселенческая библиотека